أخــذت قلبــي بـس ويــن وديته
نطرت قلبي يجي منك ولا جانـي !
رحت اتحراه يرجع والحشـا . . بيتـه
والظاهر بقربك / ارتـاح وتناسانـي
وشلـك بقلـبٍ تضمـه . . ماتمنيتـه
عادي تضمه ! وعادي يضمك ثاني
ماهي غريبه ليـا جالـك .. وضميتـه
وسيع ذمه عسـى ربـي /لايبلانـي
ماخفـت ربـك وقلبـي .. ماتبنيتـه
غيرت قلبي علي ورحـت تجفانـي
ابيك تذكر وشلـي معـك .. سويتـه !
راجع ضميرك ورتب جملة / أحزانـي
حتى الشعر فيك ضحكتـه .. وبكيتـه
يضحك على شانك / ويبكي على شاني
في داخلـي لـك كـلامٍ .. ماتهقــويتـه
كـــلام لاجيت أقولـه يثقـل لسانـــي !
حبل الوصل من يدينك ليـه .. هديتـه
حاولت أشيله ولاكن طاح ، مَ أمداني
وقفـت حتــى مكانــي .. ماتعديـتـه
كن الصبر مرنـي عجـل وتعدانــي !
فنجان فرقاك مـن صـدك .. تقهويتـه
والحزن غيم على الصدر و ( تقهواني )
الله يسامحـك قلبـي ويـــن .. وديتـه
والله يســامحه قلبـي ويـــن ودانـي
ليست هناك تعليقات:
إرسال تعليق